У Мінску затрыманы фатограф Сяргей Шэлег
Ён здымаў бяскрыўднае і апалітычнае мерапрыемства “Шэсце Дзядоў Марозаў”.
Па словах відавочцаў, Сяргей як і іншыя фатографы займаўся сваёй працай. Да яго падышоў невядомы мужчына, які на падвышаных танах і з нецэнзурнай лексікай пачаў сварыцца з фатографам, бо той, маўляў, паставіў свой заплечнік на праезную частку.
Сяргей папрасіў перавесці размову ў спакойны тон і не грубіяніць. Нюанс быў у тым, што “невядомым мужчынам” апынуўся даволі вядомы маёр Максім Грышчанка — намеснік начальніка Цэнтральнага РУУС.
Сяргея Шэлега забралі ў пастарунак, інфармуе “Наша Ніва”.
Фота: Наша Ніва
