У Шклове ўсталявалі помнік рускаму грэнадзёру
Такім чынам у райцэнтры ўшанавалі 200-годдзе перамогі рускіх войскаў над войскамі Напалеона ў вайне 1812 года.
Скульптура ўяўляе сабой обер-лейтэнанта грэнадзёрскай роты лейб-гвардыі Ізмайлаўскага палка і мае вышыню 2,5 метра. Побач з ёй усталявана мемарыяльная шыльда, паведамляе газета “Магілёўскія ведамасці”.
Вызваленне Шклова ад французаў адбылося 10 кастрычніка 1812 года. Атрад казачага падпалкоўніка Храпавіцкага, які выгнаў французаў, уваходзіў у вядомае злучэнне Дзяніса Давыдава.
Крыху пазней, 28 лістапада, у мястэчку Стараселле быў размешчаны штаб галоўнакамандуючага рускай арміі Міхаіла Кутузава. Там быў зацверджаны план канчатковага разгрому французаў на Беразіне.
Фота — udarnyfront.by
