У сталіцы затрымалі тэлефоннага аферыста
27-гадовы мінчук прыдумаў сабе своеасаблівы "бізнэс".
Каля гандлёвых цэнтраў ён прапаноўваў "асобам асацыяльных паводзінаў" невялікую падпрацоўку. А менавіта: афармленне на іх крэдыта на мабільны тэлефон альбо планшэт коштам у 4-5 мільёнаў рублёў. Малады чалавек абяцаў, што сам будзе яго выплочваць, а за паслугу плаціў па 400 тысяч рублёў.
Як паведамляе БелаПАН, тры мабільных тэлефоны і адзін планшэт аферыст прадаў на рынку, а па рахунках плаціць і не збіраўся. У выніку, яго справай зацікавіліся праваахоўнікі. Мінчука затрымалі, ужо вядомыя трое пацярпелых.
