У цэнтры Гродна не будуць узводзіць шматпавярховікі?
Такую выснову можна зрабіць з выказванняў старшыні Гродзенскага аблвыканкама Сямёна Шапіры, якога цытуе “Вечерний Гродно”.
Са словаў кіраўніка вобласці, з’яўленне шматпавярховікаў у цэнтры горада на вуліцы Шчорса было вымушаным захадам. Трэба было перасяліць туды людзей са старых і аварыйных дамоў. Але ўсё астатняе Сямён Шапіра абяцае будаваць за горадам, іначай у Гродне стане “няўтульна жыць”.
У цэнтры пастараюцца будаваць мала. Старыя і аварыйныя дамы будуць зносіць, а на іх месцы рабіць скверыкі, якія стануць месцам для адпачынку гараджан.
