У цэнтры Масквы сарвалі акцыю расійскай апазіцыі
Згодна з паведамленнямі ў сацыяльных сетках і паводле інфармацыйных агенцтваў, паліцыя затрымала дзясяткі актывістаў.
Прадстаўнікі апазіцыі хацелі правесці флэш-моб “Белая плошча”. Дзеля гэтага яны мелі сабрацца на Краснай плошчы ў цэнтры Масквы. Іх планам было цэлы дзень прагульвацца там з прымацаванымі на вопраткі белымі стужкамі — сімвалам руху “За сумленныя выбары”. Аднак плошчу з самой раніцы закрыла паліцыя.
Актывістаў, якія спрабавалі туды патрапіць, затрымлівалі.
