У Варшаве адкрылі праграму Каліноўскага (фота)
Сёлета ў праграме бяруць удзел 65 стыпендыятаў з Беларусі.
17 жніўня ў Варшаўскім універсітэце адбылося адкрыццё навучальнага курса для стыпендыятаў праграмы імя Кастуся Каліноўскага. Да канца верасня ў Варшаве яны будуць вывучаць польскую мову, а пасля — вучыцца ў вышэйшых навучальных установах па ўсёй Польшчы.
Нагадаем, што навучальную праграму імя Кастуся Каліноўскага стварылі пры падтрымцы ўраду Польшчы ў сакавіку 2006 года. Яна накіравана на дапамогу студэнтам, выключаным з беларускіх навучальных установаў па палітычных прычынах. Удзел у ёй таксама прымаюць дзеці рэпрэсаваных у Беларусі дэмакратычных актывістаў.
