У Варшаве беларусы адсвяткавалі Дзяды (фота)
1 лістапада ў Варшаве прайшло ўшанаванне дня памяці продкаў — Дзяды.
Удзельнікі мерапрыемства наведалі магілы выбітных беларусаў на некалькіх варшаўскіх могілках — Павонскіх, Воля, Брудно. Арганізатарам мерапрыемства выступіла "Беларуская Нацыянальная Памяць".
Перад прысутнымі выступіў старшыня БНП Анатоль Міхнавец. Ён расказаў гісторыі жыцця вядомых беларусаў, якія знайшлі спачын на варшаўскіх могілках. Напрыклад на праваслаўных могілках Воля пахаваны прадзед Паўла Севярынца — Міхаіл Будзька.
Упершыню пры святкаванні Дзядоў разам з нацыянальным беларускім сцягам быў выкарыстаны і сцяг "Саюза Беларускай Моладзі". Шмат хто з пахаваных у Варшаве беларусаў належаў да гэтай арганізацыі.
Адзін з іх Ян Жамойцін — беларускі грамадскі дзеяч, літаратар і ветэран нацыянальнага руху, які ў часе вайны кіраваў Наваградскай акруговай арганізацыяй СБМ.
Каля кожнай з магілаў ўдзельнікі запалілі знічы і памаліліся.
