У Варшаве будуць маліцца за Беларусь
Беларусаў, якія пражываюць у Варшаве, запрашаюць кожны тыдзень прымаць удзел у малітвах за Беларусь і Польшчу. Першая малітва пройдзе 27 кастрычніка, у чацвер.
Ахвочыя павінны сабрацца а 19.30 каля касцёлу святой Ганны на Кракаўскім прадмесці.
Аўтарамі ініцыятывы з’яўляюцца беларусы, якія раней ўдзельнічалі ў малітвах за Беларусь у Мінску. Аднак паколькі гэтыя людзі зараз знаходзяцца ў Польшчы, то вырашылі і ў польскай сталіцы разам маліцца за краіну, за тых, хто пакутуе і трывае.
