У Варшаве пакажуць, як беларус праехаў аўтастопам 50 тысяч кіламетраў
16 лістапада ў Варшаве пройдзе прэзентацыя фотаздымкаў беларуса Аляксея Язылеца, які аўтастопам даехаў з Варшавы да Паўднёва-Афрыканскай Рэспублікі.
Прэзентацыя а 19 гадзіне пройдзе ў будынку Галоўнай Эканамічнай Школы (Szkoła Główna Handlowa) на алеі Незалежнасці 162 (al. Niepodległości 1621) у актавай залі №7.
Як распавёў Еўрарадыё Аляксей, увогуле ў гэтым падарожжы ён наведаў больш за 20 краінаў, 14 з якіх былі афрыканскімі. Падарожжа ў беларуса заняло 5 месяцаў, падчас якіх ён аўтастопам пераадолеў каля 50 тысяч кіламетраў. Галоўнай жа мэтай падарожжа было наведванне Чэмпіяната свету па футболе ў Паўднёва-Афрыканскай краіне ў 2010 годзе.
