У Занзібар затануў паром, сотні чалавек загінулі

Як паведамляе ВВС, з вады ўжо дасталі каля 100 целаў. 259 чалавек уратаваліся, стан 40 з іх цяжкі. Дакладную колькасць загінулых і зніклых без вестак не вызначылі, бо паром быў перапоўнены.

Многія пасажыры вярталіся дадому пасля святкавання мусульманскага Рамадана. На борце было шмат дзяцей.
Прычынай трагедыі магло стаць надвор’е, а таксама невыкананне правіл бяспекі. Паром “Спайс айландэр” выконваў рэгулярны рэйс паміж галоўнай выспай Занзібара, Унгуджа ды іншай буйной выспай архіпелага, Пемба. Абедзве выспы з’яўляюцца турыстычнай славутасцю.