Уга Чавес не збіраецца паміраць
Венесуэльскі лідар абверг чуткі аб уласнай смерці і абяцае вярнуцца на радзіму ў чацвер, 26 красавіка.
Чавес цяпер знаходзіцца на Кубе. У яго рэцыдыў анкалагічнага захворвання і ён праходзіць чарговы этап радыелагічнага лекавання. Пухліну ў вобласці таза ў палітыка знайшлі летась, тады ён таксама апераваўся на Кубе і праходзіў там некалькі курсаў хіміятэрапіі.
У лютым гэтага года яму спатрэбілася паўторная аперацыя па выдаленні злаякаснага новаўтварэння, перадаюць інфармагенцтвы. Дагэтуль кіраўнік Баліварскай рэспублікі не з’яўляўся на публіцы і камунікаваў з народам праз Twitter. Гэта і стала падставай для чутак пра яго смерць.
