Украінцы просяць ушанаваць у Беларусі УПА
Дэпутат Львоўскай абласной рады і прэзідэнт Дабрачыннага фонду “Украіна-Русь” Расціслаў Наважэнец звярнуўся да Аляксандра Лукашэнкі.
Ён просіць даць дазвол на ўстаноўку мемарыяльнай дошкі Украінскай паўстанцкай арміі. Як паведамляюць украінскія СМІ, яна павінна з’явіцца ў ваколіцах вёскі Дзівін на Кобрыншчыне.
Аргументуецца ўстаноўка дошкі тым, што менавіта каля гэтай вёскі ў 1942 годзе ўзнік першы аддзел УПА.
