Украінец спрабаваў правезці ў Беларусь каноплі
Украінскія мытнікі і памежнікі ў цягніку "Чарнаўцы — Мінск" знайшлі 7 упакаваных у паперу скруткаў з рэчывам расліннага паходжання зялёнага колеру.
Як паведамляе Дзяржаўная мытная служба Украіны, хлопец ехаў у Беларусь, рэчыва ён схаваў пад вопраткай, прымацаваўшы яго скотчам да цела. Па словах пасажыра, скруткі ён вёз з мэтай продажу. Знайсці іх дапамог службовы сабака па мянушцы Ніка.
Па папярэдніх дадзеных, у скрутках былі каноплі (53,3 гр.). Калі рэчыва пасля экспертызы ўсё ж такі апынецца наркатычным, то ўкраінцу пагражае пазбаўленне волі ад 5 да 10 гадоў.
