Ультраправыя актывісты Цясак і Малюта па-ранейшаму пад вартай
На інтэрнэт-форумах з’явілася інфармацыя аб тым, што затрыманыя ў Мінску неанацысты выпушчаныя пад падпіску аб нявыездзе. Як аказалася, гэта чуткі.
Вось што паведаміў Еўрарадыё Аляксандр Герасімаў, афіцыйны прадстаўнік Следчага камітэта па Мінску:
“Гэтыя асобы будуць знаходзяцца ў ізалятары часовага ўтрымання да 24 лютага. У гэты ж дзень мы павінны прыняць рашэнне”.
Нагадаем, Максім “Цясак” Марцінкевіч, Сяргей “Малюта” Кароткіх і яшчэ адзін грамадзянін Беларусі, які ўдзельнічаў на іх баку ў бойцы з мінскімі антыфашыстамі, былі затрыманы 14 лютага. Усе трое праходзяць падазраванымі па крымінальнай справе, распачатай па артыкуле “хуліганства, учыненае пры дапамозе зброі”.
Дарэчы, хлопец, цяжка паранены “Малютам”, ідзе на папраўку і ўжо знаходзіцца па-за рэанімацыяй.
