Усе мапеды з 23 красавіка падлягаюць рэгістрацыі ў ДАІ
Да 1 жніўня дазваляецца зарэгістраваць па заяўніцкім прынцыпе і тыя мапеды, на якія ў гаспадароў адсутнічаюць дакументы.
Усе мапеды з сённяшняга дня трэба будзе ставіць на ўлік у Дзяржаўтаінспекцыі, паведамляе БелТА.
Гэта прадугледжана пастановай Саўміна. Прычым дакумент дазваляе да 1 жніўня зарэгістраваць па заяўніцкім прынцыпе і тыя мапеды, на якія ў гаспадароў адсутнічаюць дакументы, у тым ліку выдадзеныя заводам-вытворцам ці мытнымі органамі.
Аднак гэта, вядома, не дае права ставіць на ўлік самаробкі. Кожны транспартны сродак будзе агледжаны. Супрацоўнікі правераць, ці ёсць на ім нумар заводу вытворцы і мантажная (завадская) таблічка.
У дарожнай міліцыі адзначылі, што "скутар", у залежнасці ад аб'ёму рухавіка можа быць як мапедам, так і матацыклам.
