Ушанаваная памяць ахвяраў трагедыі ў Росіцы (фота)
У лютым 1943 года нацысты спалілі тут 1528 чалавек. Сярод ахвяраў былі два святары — ксёндз Антоні Ляшчэвіч і ксёндз Юры Кашыра.
Яны мелі магчымасць пазбегнуць смерці, але прынялі рашэнне да канца падзяліць лёс сваіх вернікаў.
У 1999 годзе папа Ян Павел ІІ беатыфікаваў беларускіх мучанікаў.
З кожным годам узрастае колькасць пілігрымаў у Росіцу. Сёлета сюды ў Верхнядзвінскі раён прыбылі пілігрымы з Полацка, Наваполацка, Барысава, Жодзіна, Браслава, Мінска і іншых гарадоў і мястэчак Беларусі.
У росіцкім касцёле была адпраўлена Імша, пасля яе вернікі праспявалі гімн “Магутны Божа” і з запаленымі свечкамі рушылі да месца пакутніцкай смерці святароў і жыхароў Росіцы.
На гэтым месцы, дзе зараз усталяваны крыж, адбылася супольная малітва памяці бязвінна загінулых.
