Віталя Гуляка папярэдзілі і адпусцілі
Сябра АГП быў затрыманы сёння ў Ваўкавыску за расклейванне плакатаў з фотаздымкамі палітвязняў.
Віталь Гуляк расклейваў плакаты на рэкламных тумбах. Прычым на мінулым тыдні яго ўжо затрымлівалі за расклейваньне такіх самых плакатаў. Тады яго дапыталі ў аддзяленні міліцыі, склалі пратакол і адпусьцілі.
Гэтым разам Віталя таксама даставілі ў пастарунак. Плакаты канфіскавалі, а расклейшчыка афіцыйна папярэдзілі аб удзеле ў "антыдзяржаўных акцыях". Пасля чаго адпусцілі, паведамляе Радыё "Свабода".
