Валдас Адамкус раскрыў таямніцы літоўска-беларускіх адносінаў
Экс-прэзідэнт Літвы апублікаваў мемуары “Апошні тэрмін паўнамоцтваў. Дзённікі прэзідэнта”.
Там сярод іншага прыводзяцца раней невядомыя звесткі па беларуска-літоўскіх адносінах. Кніга апавядае пра тое, напрыклад, як Валдас Адамкус прымусіў суд дазволіць праслухоўванне тэлефонных размоваў беларускіх дыпламатаў, якіх ён палічыў шпіёнамі.
Прэс-сакратар МЗС Беларусі Андрэй Савіных ужо назваў інфармацыю аб
праслухоўванні беларускіх дыпламатаў у Літве “сумным фактам”.
Беларуска-літоўскім адносінам прысвечана яшчэ некалькі старонак мемуараў
Адамкуса. Былы прэзідэнт піша і пра тое, як тры гады таму
высокапастаўленыя службовыя асобы Беларусі, Літвы і Польшчы таемна дамовіліся
абмяняцца затрыманымі агентамі спецслужбаў, паведамляе сайт naviny.by.
