Вартаўнік вёз у вагоне-рэстаране 14 каністраў з палівам
Кантрабанду знайшлі беларускія мытнікі падчас дагляду хуткага цягніка "Санкт-Пецярбург — Кішынёў".
Каністры з дызельным палівам былі схаваныя ў некалькіх цяжкадаступных месцах. Іх гаспадаром аказаўся грамадзянін Малдовы, які працуе вартаўніком-правадніком вагона-рэстарана. Паліва ў колькасці 272 літры канфіскавана, а кантрабандысту пагражае штраф.
Як адзначае БЕЛТА, мытнікі кажуць, што ў згаданым цягніку знаходзілі і раней нелегальны тавар, але з фактам правозу дызельнага паліва ды яшчэ ў вагоне-рэстаране сутыкнуліся ўпершыню.
