Вікторыя Азаранка абыграла Серэну Уільямс
Даўнія суперніцы згулялі ў “выставачным” тэнісным матчы, які адбыўся ў бразільскім Сан-Паулу.
Вынік матчу — 6:3, 7:5. Паядынак доўжыўся 1 гадзіну 30 хвілінаў, паведамляе БЕЛТА. Да гэтага дзве славутыя тэнісісткі сустракаліся 12 разоў у афіцыйных матчах і толькі аднойчы Азаранка здолела перамагчы Уільямс.
У часе выставачнага турніру ў Бразіліі Азаранка таксама распавяла журналістам пра сваё асабістае жыццё. Яна прызналася, што рассталася з 25-гадовым украінскім тэнісістам Сяргеем Бубкай (сынам рэкардсмена свету па скоках з шастом і прэзідэнта НАК Украіны Сяргея Бубкі-старэйшага).
Дзяўчына сказала, што працягвае падтрымліваць стасункі з былым бойфрэндам, але яны болей не сустракаюцца.
