Вікторыя Азаранка выйшла ў фінал пекінскага турніру
6 кастрычніка ў паўфінальным паядынку яна перамагла францужанку Марыён Барталі — 6:4, 6:2. Матч доўжыўся 1 гадзіну 34 хвіліны.
7 кастрычніка беларуская тэнісістка і першая ракетка свету згуляе са сваёй даўняй саперніцай — расіянкай Марыяй Шарапавай, якая на сёння трымае другую пазіцыю ў сусветным рэйтынгу, перадае БЕЛТА.
На турніры ў Пекіне Азаранка ўжо абыграла францужанку Алізэ Карнэ (6:1, 6:0), немку Сабін Лісіцкі (6:4, 6:2), расіянку Алену Весніну (6:3, 6:3) і швейцарку Раміну Апрандзі (6:2, 6:0).
