Вікторыя Чайка не атрымала прызавога месца на Алімпіядзе
У фінале спаборніцтваў па стральбе з пнеўматычнага пісталета на 10 метраў у яе 5-е месца.
У кваліфікацыі беларуская спартсменка набрала 385 балаў і прайшла ў фінал з 6-м вынікам, перадае БелаПАН. У фінале Чайка паказала найлепшы вынік з усіх удзельніц — 100,2 бала. Аднак не самая ўдалая стральба ў папярэднім раундзе не дазволіла нашай спартсменцы атрымаць медаль.
Пераможцай у гэтым спаборніцтве стала кітаянка Го Веньцзюнь.
