Яшчэ адзін арабскі лідэр сыходзіць у адстаўку
Прэзідэнт Йемена Алі Абдала Салех пасля 32 год кіравання краінай пакіне сваю пасаду і атрымае недатыкальнасць.
Такі пункт ёсць у “дарожнай мапе”, якую прыняла кіруючая йеменская партыя Ўсеагульны народны кангрэс дзеля ўрэгулявання ўнутрыпалітычнага канфлікту. Гэтая “дарожная мапа” суседзяў Йемена прадугледжвае адстаўку прэзідэнта Салеха. Свае паўнамоцтвы ён павінен перадаць віцэ-прэзідэнту, якія разам з новым кабінетам міністраў зоймецца падрыхтоўкай прэзідэнцкіх выбараў.
У сваю чаргу апазіцыя, згодна з гэтым планам, павінна неадкладна спыніць акцыі пратэсту і вывесці сваіх прыхільнікаў з вуліц йеменскіх гарадоў, паведамляюць інфармагенцтвы.
