З клінік выпісаныя 9 пацярпелых у выніку тэракту
Як паведамілі БЕЛТА у Міністэрстве аховы здароўя, па дадзеных на 19.00 12 красавіка, у мінскіх шпіталях знаходзіцца 155 пацярпелых ад выбуху ў метро.
Цягам сённяшняга дня ў стацыянары паступіла 7 чалавек, 9 выпісаны, у тым ліку дзіця 2009 года нараджэння. З 155 пацярпелых, якія знаходзяцца ў дадзены момант у лячэбных установах, у цяжкім стане — 32, сярэдняй ступені цяжкасці — 83, лёгкай — 40 чалавек.
