За доларавыя разлікі — рублёвыя штрафы
Многія гандляры на аўтарынку ў Ждановічах пачалі прадаваць запчасткі за валюту. Альбо прапануюць курс пераліку 3500-3600 рублёў за долар.
"Увесь гандаль у нас ажыццяўляецца толькі ў беларускіх рублях. Ніхто не мае права патрабаваць у вас аплату валютай, пагатоў на рынку. Гэта забаронена. Калі прадавец не хоча вам прадаваць тавар у беларускіх рублях, ён парушае ліцэнзійныя патрабаванні", — пракаментаваў гэты факт "Камсамолцы" начальнік аддзела інфармацыйна-тлумачальнай працы Міністэрства па падатках і зборах Сяргей Шкут.
Такое парушэнне караецца штрафам ад 50 да 300 базавых велічынь. Тое ж ,дарэчы, тычыцца і пакупніка, які расплачваецца валютай.
