Заблакаваны блог Ліпковіча
Падставай для блакавання блога стаў нібыта "распаўсюд інфармацыі дэструктыўнага характару і здзек з дзяржаўнай сімволікі".
Блог Яўгена Ліпковіча ўнесены ў спіс абмежаванага доступу БелГІЭ і доступ да яго забаронены для дзяржструктур, устаноў адукацыі і культры, паведамляе charter97.org.
Цікава, што заблакаваны блог размешчаны на пляцоўцы LiveJournal і таму разам з ім "пад раздачу" патрапілі яшчэ каля 300 блогаў, у якіх IP-адрас адзін на ўсіх.
Ліпковіч стаў шырока вядомы ў Байнэце пасля "кефірный вайны" і спробы ўдзелу ў выбарах у Мінгарсавет. Апошні канфлікт з старшынём афіцыйнага Саюза пісьменнікаў Беларусі Мікалаем Чаргінцом скончыўся прыцягненнем Яўгена да адміністрацыйнай адказнасці.
Блог Ліпковіча патрапіў у кампанію charter97.org, belaruspartisan.org і prokopovi.ch, якія таксама заблакаваныя для беларускіх карыстальнікаў у дзяржустановах.
