Загараць топлес у Мінску забаронена: штраф 1 мільён рублёў
Упраўленне ўнутраных спраў Мінска настойліва рэкамендавала аматаркам загару топлес на гарадскіх пляжах перагледзець свае звычкі.
Як заявіў сёння начальнік прэс-службы ГУУС Мінгарвыканкама Аляксандр Ластоўскі, такія паводзіны ў грамадскім месцы, у залежнасці ад сітуацыі, могуць быць расцэненыя як дробнае хуліганства з наступным прыцягненнем да адміністрацыйнай адказнасці.
Ён нагадаў, што артыкул 17.1 Кодэкса аб адміністрацыйных правапарушэннях РБ за дробнае хуліганства прадугледжаны штраф у памеры ад 2 да 30 базавых велічынь (70 тыс. — 1 млн 50 тыс.) або адміністрацыйны арышт, перадае afn.by
