Зборная Францыі пагуляла па парку Горкага ў суправаджэнні міліцыі (ФОТА)
25-хвілінны шпацыр па сталічным парку французы зладзілі раніцай 3 чэрвеня.
Пасля гэтага каманда вярнулася ў гатэль "Еўропа" для апошняга прагляду відэа, паведамляе БелаПАН.
Нагадаем, што сёння ўвечары на мінскім стадыёне "Дынама" адбудзецца адборачны матч чэмпіянату Еўропы па футболе 2012 года паміж зборнымі Беларусі і Францыі.
Французская каманда прыбыла ў Мінск 1 чэрвеня. На наступны дзень галоўны трэнер каманды Ларан Блан даў на стадыёне прэс-канферэнцыю, на якой заявіў пра намер выйграць матч.
Фота:daylife.com, fff.fr
