Жыхары Кубані атрымаюць кампенсацыю за страту маёмасці
За поўную страту маёмасці ў выніку паводкі ім выплацяць 150 тысяч расійскіх рублёў (каля 5 тысяч долараў).
Такіх людзей амаль 1,5 тысячы. Яшчэ 2,6 тысячы чалавек атрымаюць кампенсацыю за часткова страчаную маёмасць, якая складзе 75 тысяч рублёў, або каля 2,5 тысяч долараў, інфармуе БЕЛТА.
Акрамя таго, у рэгіёне завяршаецца выплата адзінаразовай матэрыяльнай дапамогі ў памеры 10 тысяч расійскіх рублёў. Яе атрымаюць 28 тысяч 275 чалавек.
