Звольнілі пракурора Віцебскай вобласці
Пракурор Віцебскай вобласці старшы дарадца юстыцыі Генадзь Дыско вызвалены ад пасады "за неналежнае выкананне службовых абавязкаў".
Такое рашэнне прыняў генеральны пракурор Рыгор Васілевіч па ўзгадненні з Аляксандрам Лукашэнкам, паведамляе БелаПАН.
Нагодай для звальнення Дыско стала "адсутнасць належнага пракурорскага нагляду за ходам расследавання2 крымінальнай справы пра выбухі ў Віцебску ў верасні 2005 года.
Нагадаем, у віцебскіх выбухах вінавацяць Уладзіслава Кавалёва і Дзмітрыя Канавалава. Іх жа вінавацяць у выбухах у Мінску ў 2008 і 2011 годзе. Матэрыялы справы, якія склалі больш за 550 тамоў, перададзеныя пракурору для накіравання ў суд.
