Рыдлі Скот здыме два прыквелы "Чужога"

Рыдлі Скот плануе зняць два прыквелы да свайго знакамітага фільма "Чужы", і абодва яны будуць стэрэаскапічнымі.  Пра гэта распавёў сам рэжысёр у інтэрв'ю рэсурсу Collider. Ён падкрэсліў, што збіраецца адразу здымаць фільмы ў фармаце 3D, а не канвертаваць відэашэраг на этапе пост-прадакшн.

Пры гэтым, стваральнікам карцін давядзецца вырашыць шэраг тэхнічных праблем, галоўная з якіх складаецца ў тым, што ўсё стэрэаскапічнае кіно здымаецца пры вельмі інтэнсіўным асвятленні на пляцоўцы, тады як стылістыка "Чужога" будуецца на прыглушаным святле і адсутнасці выразных ценяў у кадры.

Дзеянне першага фільма будзе адбывацца за 30 гадоў да падзеяў арыгінальнай карціны. Галоўным героем будзе жанчына. Рыдлі Скот збіраецца растлумачыць гледачам, адкуль узяўся іншапланетны зоркалёт на планетоідзе, на якім у першай серыі здзейсніў пасадку экіпаж касмічнага грузавіка "Настрома", і што адбылося з прышэльцамі.

Рэжысёр прыступіць да працы над першай карцінай адразу пасля выхаду ў пракат яго новага фільма "Робін Гуд".

Фота: www.seganerds.com