Рымашэўскі сабраў на кампанію "дзясяткі тысяч долараў" праз ахвяраванні

Патэнцыйны кандыдат у прэзідэнты Віталь Рымашэўскі абвясціў пра збор ахвяраванняў на сваю выбарную кампанію. У твітэры прэтэндэнта абвестка з'явілася сёння, 25 кастрычніка, а на сайце - яшчэ 20 дзён таму.
Як паведаміў Рымашэўскі ў каментары Еўрарадыё, вынікі такой абвесткі ўжо ёсць. Менавіта дзякуючы ахвяраванням, кажа палітык, ён і змог сабраць ужо амаль 100 тысяч подпісаў, не маючы фінансавання ні ад заходніх, ні ад усходніх "донараў":

Рымашэўскі: "Ну, а сума... Я думаю, што агучваць яе пакуль што не буду. Скажам так: яна была дастатковая, каб сабраць вось гэтую колькасць подпісаў, якую мы набралі на сённяшні дзень. Яна налічваецца, скажам, дзясяткамі тысяч долараў".