“Сардэчнікі” апынуліся пад пагрозай з-за адсутнасці рэактываў

У Баранавічах з-за адсутнасці неабходнага рэактыву каля 100 хворых не змаглі здаць кроў на аналіз.
Між тым шэрагу “сардэчнікаў” жыццёва важна праходзіць абследаванне раз на месяц, каб дакладна вызначыць долю лекавых прэпаратаў, напрыклад, варфаварына.

Яго перадазіроўка можа выклікаць крывацёк, недахоп – інсульт. Сярод такіх хворых – Людміла Карніенка. У сакавіку ёй адмовілі ў правядзенні аналізу. У біяхімічнай лабараторыі не ведаюць, калі будуць рэактывы.

У Баранавіцкай паліклініцы сітуацыю патлумачылі тым, што рэактывы не закупіла сталічная “Медтэхніка”, якая раней набывала іх у Расіі.