Савет Еўропы - Літве: “Працаўладкаваць рэзервістаў КДБ”

Рада Еўропы настойліва рэкамендавала Літве не абмяжоўваць правы былых рэзервістаў КДБ СССР на працу ў дзяржаўных структурах. Калі ў Вільнюсе не прыслухаюцца да рэкамендацыяў, у дачыненні прыбалтыйскай краіны могуць быць уведзеныя санкцыі.

У цяперашні час у літоўскім сейме абмяркоўваюцца папраўкі да закону, які прадугледжвае такія абмежаванні.

Нагодай для ўвядзення забароны на працу для былых рэзервістаў КДБ стаў скандал двухгадовай даўніны, калі ў апублікаваны спіс рэзервістаў савецкіх спеслужбаў увайшлі былы міністр замежных справаў Антанас Валіоніс і адначасова выконваючы абавязкі галавы дэпартаменту дзяржбяспекі Арвідас Поцюс.

Канчатковае рашэнне літоўскія парламентары прымуць пасля прэзэнтацыі альтэрнатыўнага праекту.