Савет Еўропы мае намер назіраць за выбарамі ў Беларусі

За восеньскімі выбарамі ў Палату прадстаўнікоў Нацыянальнага сходу Беларусі будзе назіраць Савет Еўропы. Пра гэта заявіў Карл Більдт, кіраўнік МЗС Швецыі - краіны, якая старшынствуе ў камітэце міністраў Савета Еўропы. "Мы будзем сцісла сачыць за выбарамі і будзем прасіць дазволіць нам запрасіць назіральнікаў на іх", - сказаў ён з трыбуны Парламенцкай асамблеі Савета Еўропы, звяртаючыся да еўрапарламентароў.

Карл Більдт выказаў надзею, што ў Беларусі "будуць дэмакратычныя працэсы", а выбары будуць свабодныя і дэмакратычныя, інфармуе РИА "Новости".