Савет Еўропы заклікае афіцыйны Мінск вызваліць усіх палітвязняў

Вызваліць усіх беларускіх палітвязняў заклікае Канферэнцыя міжнародных няўрадавых арганізацый Савета Еўропы.  Яна таксама заклапочаная пагаршэннем сітуацыі з правамі чалавека ў Беларусі сёлета. Спецыяльная рэзалюцыя была прынятая на пасяджэнні ў Страсбуры.

У ёй адзначаецца, што на працягу двух тыдняў у Беларусі былі арыштаваныя паўсотні ўдзельнікаў акцый пратэсту і сотні людзей жорстка збітыя.

Канферэнцыя міжнародных няўрадавых арганізацый Савета Еўропы заклікае афіцыйны Мінск спыніць рэпрэсіі, выключыць са складу крымінальных злачынстваў сяброўства ў незарэгістраваных арганізацыях, не перашкаджаць дзейнасці недзяржаўных СМІ, а таксама стварыць умовы для правядзення свабодных і дэмакратычных выбараў.

Радыё Свабода