Шоў Юзэфовіча на песню Ялфімава беларусы так і не ўбачаць

У размове з Еўрарадыё польскі рэжысёр Януш Юзэфовіч паведаміў, што наўрад ці будзе паказваць нумар для Еўрабачання ў Беларусі, як планаваў раней. Паводле яго слоў, ад гэтага адмовіўся Пётр Ялфімаў.
Януш Юзэфовіч: "З аднаго боку хацелася б, але з іншага боку хацелася б забыць, бо гэта непрыемная сітуацыя. Можа быць лепш паказаць іншыя свае працы ў Беларусі. А на гэта нават шкада часу. Я спадзяюся, што ён зразумее, што ён не альфа ды амега і не ўвесь свет круціцца вакол яго і ягонай жонкі. А я аб гэтым хачу забыцца і заняцца іншымі справамі".

Нагадаем, падчас паўфіналу “Еўрабачання” ў Маскве беларусам па розных прычынах не ўдалося паўнавартасна паказаць нумар. Пасля выступлення Пятра Ялфімава, Януш Юзэфовіч заявіў, што на сцэне ад яго нумара нічога не засталося.