СМІ апублікавалі спадарожнікавыя здымкі узарваных ўкраінскіх мастоў
Фатаграфіі ад кампаніі Maxar апублікаваў у сваім twitter журналіст The New York Times Крысціян Трыберт.
"Спадарожнікавыя здымкі, зробленыя Maxar раніцай 11 лістапада, 10:25 паводле мясцовага часу, паказваюць значныя пашкоджанні некалькіх мастоў і дамбы ў Новай Кахоўцы ў выніку адступлення расейцаў з Херсона праз Днепр", — напісаў ён.
The destruction of the bridges leave any Russians remaining in Kherson with only an ad hoc network of ferries and pontoon bridges, because three spans of both the road and railway bridge across the Nova Kakhovka dam were also destroyed.📸: @Maxar pic.twitter.com/HK7hD2rE2D
— Christiaan Triebert (@trbrtc) November 11, 2022
Расійскія СМІ апублікавалі таксама відэа выбуху аўтамабільнага моста на Кахоўскай ГЭС і Антонаўскага моста. Дарадца старшыні Херсонскай абласной вайсковай адміністрацыі Сяргей Хлань мяркуе, што падрывам мастоў расейскія вайскоўцы спрабавалі запаволіць прасоўванне ўзброеных сіл Украіны і робяць усё магчымае, каб "гэта быў не абсалютны правал фронту, а каб выглядала нібыта як планавае адступленне ад лініі фронту".
