Святлану Байкову вярнулі ў турму
У другой палове дня 6 жніўня Святлану Байкову пасля агляду ў шпіталі КДБ вярнулі ў СІЗА — «амерыканку». Пра гэта Радыё Свабода паведаміў адвакат Міхаіл Воўчак, які бачыўся са сваёй падабароннай пасля яе абследавання. Са словаў адваката, дактары праверылі яе аналізы і сказалі, што стан яе здароўя паляпшаецца. Ранейшае пагаршэнне яны патлумачылі галадоўкай.
