Тэрарыст, які страляў у парламенце Канады, забіты
Цяпер паліцыя Атавы расследуе прынамсі тры інцыдэнты са стральбой.
Усе яны мелі месца ў сераду раніцай у цэнтры канадскай сталіцы. Каля 10 раніцы па мясцовым часе (17 гадзін па Мінску) невядомы адкрыў стральбу каля Нацыянальнага ваеннага мемарыяла ў сталіцы Канады Атаве, размешчанага непадалёк ад парламента краіны, а затым забег у будынак парламента і зрабіў некалькі дзясяткаў стрэлаў.
Паступаюць паведамленні і аб трэцім інцыдэнце са стральбой — у гандлёвым цэнтры "Рыда" ў цэнтральнай частцы Атавы.
Тэрарыст, які страляў унутры парламента, забіты, паведамляе ВВС.
