У актывістаў СПБ канфіскавалі часопіс "Magazyn Polski"

Шчучынскія міліцыянты адпусцілі актывістаў непрызнанага Саюзу палякаў у Беларусі. У Мечыслава Яскевіча і Веранікі Сэбаст'яновіч канфіскавалі 450 асобнікаў часопіса "Magazyn Polski na uchodzstwie".  На Яскевіча пры гэтым склалі пратакол аб адміністрацыйным правапарушэнні, адзначае "Беларускі партызан".

Як паведамляла Еўрарадыё, 1 красавіка міліцыянты  затрымалі Яскевіча  і Сэбаст'яновіч. Фармальнай нагодай для затрымання сталі падазрэнні, што ў машыне вязуць "падпольную літаратуру".

Затрыманыя збіраліся наведаць ветэранаў Арміі Краёвай, якія жывуць у Шчучынскім  раёне.