СМІ: у Алматы затрымалі пляменніка Назарбаева
У Алматы затрымалі Самата Абіша — пляменніка экс-прэзідэнта Казахстана Нурсултана Назарбаева. Ён быў першым намстаршыні Камітэта нацыянальнай бяспекі.
КНБ узялі штурмам у першы дзень масавых пратэстаў у Алматы. У руках марадзёраў апынуўся арсенал установы.
З адстаўкі Абіша Такаеў заўчора пачаў "дэмантаж" клана Назарбаева, лічаць аналітыкі. У той жа дзень цяперашні прэзідэнт Казахстана зняў самога "Елбасы" з пасады старшыні Савета бяспекі.
Паводле паведамленняў СМІ, Назарбаеў пакінуў Казахстан, разам з ім паляцелі яго дочкі з сем'ямі. Афіцыйнага пацвярджэння гэтай інфармацыі пакуль няма.
UPD. Пазней інфармацыя пра затрыманне Самата Абіша была абвергнутая.
