У аўторак у Мінск прыедзе старшыня АБСЕ

Старшыня АБСЕ, міністр замежных спраў Фінляндыі Аляксандр Стуб у аўторак, 7-га кастрычніка, наведае сталіцу Беларусі. Пра гэта паведаміла Радыё Свабода са спасылкай на інфармацыю сустаршыні Палітрады Аб'яднаных дэмакратычных сілаў Анатоля Лябедзькі.
Паводле словаў Лябедзькі, ён і іншыя лідэры апазіцыі ўжо атрымалі запрашэнне на сустрэчу са старшынём АБСЕ. Паводле неафіцыйнай інфармацыі не выключана, што Аляксандра Стуба прыме кіраўнік Беларусі Аляксандр Лукашэнка.