У Баранавічах бацькі адмаўляюцца ад бясплатнага праезду школьнікаў
Многія бацькі школьнікаў у Баранавічах адмаўляюцца ад бясплатнага праезду для дзяцей у грамадскім транспарце. Яны лічаць гэта фікцыяй.
Адна з жанчын, чые двое дзетак ходзяць у школу, заявіла Еўрарадыё, што такія “ільготы” — здзек з насельніцтва. Па яе словах, за фотакарткі на даведку трэба выкласці 12 тысяч рублёў, напісаць, якімі маршрутамі дзіця ездзіць, а ў выніку дзеці будуць ездзіць толькі ў школу.
Жанчына кажа, што дзецям у кожным разе трэба ездзіць і ў секцыю, і на гурток. Таму і даводзіцца купляць праязныя.
