У Баранавічах дырэктар скраў грошы ў свайго прадпрыемства

Супраць кіраўніка аднаго з прадпрыемстваў харчовай прамысловасці з Баранавіч распачатая крымінальная справа за злоўжыванне ўладай і службовымі паўнамоцтвамі.  Як паведаміў начальнік баранавіцкага аддзела па барацьбе з эканамічнай злачыннасцю Алег Прусевіч, дырэктар заключыў дамову з адной з мінскіх фірмаў на пастаўку тавараў тэхнічнага прызначэння на суму 360 мільёнаў рублёў.

Але, як мяркуюць эксперты, кошт гэтага тавара быў завышаны, што прывяло да стратаў баранавіцкага прадпрыемства. Яны ацэньваюцца ў 55 мільёнаў рублёў.

“Не выключана, што такіх кантрактаў было шмат”, гаворыць Алег Прусевіч. Калі гэта будзе даказана, былому кіраўніку пагражае да васьмі гадоў пазбаўлення волі з канфіскацыяй маёмасці.

Алесь Літоўчык, Еўрарадыё, Баранавічы