У Баранавічах нарабілі зашмат соку, цяпер будуць рабіць кабачковую ікру

У Баранавічах на камбінаце харчовых прадуктаў ужо няма сэнсу вырабляць сок — яго на складах вельмі шмат з мінулае восені. Па словах кіраўніцтва, прадаецца прадукцыя вельмі марудна.
Таму лінію па вырабу соку цяпер будуць выкарыстоўваць для вырабу… кабачковае ікры. На камбінаце лічаць, што яе “будуць адрываць з рукамі”, бо атрымаецца прадукцыя даволі таннай — каля дзвюх тысяч рублёў за слоік.