У Баранавічах распачалі крымінальную справу на станочніка за кавалак торта
Нецвярозы мужчына выбіў з рук прахожай талерку, а калі яе сяброўка зрабіла заўвагу, зламыснік напаў і на яе.
Як інфармуе газета Intex-press, жанчыны былі ў гасцях. Адна з іх узяла талерку з тортам для сваёй маці. На шляху да прыпынку грамадскага транспарту жанчыны і сустрэлі хулігана. Спачатку ён выбіў з рук у адной жанчыны талерку з тортам, у другой сарваў з галавы і кінуў на зямлю капялюш і акуляры. Пры гэтым нават спрабаваў нанесці ўдар.
Міліцыянты неўзабаве затрымалі 23-гадовага мужчыну, станочніка аднаго з гарадскіх прадпрыемстваў. Распачатая крымінальная справа па артыкуле "хуліганства". За напад на жанчын жыхар Баранавічаў можа правесці ў зняволенні да 3 гадоў.
Фота — ria.ru
