У Беларусі напярэдадні выбараў змяншаюцца магчымасці дзейнасці апазіцыі
Змены ў заканадаўства па супрацьдзеянні экстрэмізму сур'ёзна звузяць магчымасці палітычных партый у перыяд правядзення выбарчых кампаній. Такое меркаванне выказалі ў інтэрв'ю БелаПАН апазіцыйныя палітыкі, каментуючы прынятыя Палатай прадстаўнікоў новаўвядзенні ў заканадаўства. Нагадаем, 17 чэрвеня Палата прадстаўнікоў прыняла ў другім чытанні змены і дапаўненні ў законы Беларусі па пытаннях супрацьдзеяння экстрэмізму.
Між іншага, законапраект уводзіць норму, паводле якой агітацыйныя перадвыбарчыя матэрыялы, выступы на сходах, мітынгах, а таксама ў СМІ не мусяць утрымліваць заклікаў да гвалтоўнай змены канстытуцыйнага ладу, захопу дзяржаўнай улады, здзяйснення тэрарыстычнай альбо іншай экстрэмісцкай дзейнасці, абразаў і паклёпаў у адносінах дзяржаўных асобаў.
Законы "Аб грамадскіх аб'яднаннях" і "Аб палітычных партыях" дапаўняюцца палажэннямі. якія забараняюць стварэнне і дзейнасць аб'яднанняў і партый, якія ставяць перад сабой любую экстрэмісцкую дзейнасць.
"Новаўвядзенні ў законы азначаюць толькі тое, што будзе ўзмоцнены ціск на апанентаў улады, - перакананы лідэр Аб'яднанай грамадзянскай партыі Анатоль Лябедзька. - Я не выключаю таго, што гэты закон будзе выкарыстаны для таго, каб зняць нязручных кандыдатаў у дэпутаты на выбарах, якія мусяць адбыцца ў Палату прадстаўнікоў гэтай восенню, альбо на прэзідэнцкіх выбарах 2011 года".
Старшыня Партыі камуністаў Сяргей Калякін лічыць, што прынятыя папраўкі "накіраваныя не на барацьбу з экстрэмізмам, а на тое, каб звузіць поле дзейнасці легальных палітычных партый". Ён не выключае. што цяпер любая крытыка ўлады можа цягнуць за сабой адказнасць.
Між іншага, законапраект уводзіць норму, паводле якой агітацыйныя перадвыбарчыя матэрыялы, выступы на сходах, мітынгах, а таксама ў СМІ не мусяць утрымліваць заклікаў да гвалтоўнай змены канстытуцыйнага ладу, захопу дзяржаўнай улады, здзяйснення тэрарыстычнай альбо іншай экстрэмісцкай дзейнасці, абразаў і паклёпаў у адносінах дзяржаўных асобаў.
Законы "Аб грамадскіх аб'яднаннях" і "Аб палітычных партыях" дапаўняюцца палажэннямі. якія забараняюць стварэнне і дзейнасць аб'яднанняў і партый, якія ставяць перад сабой любую экстрэмісцкую дзейнасць.
"Новаўвядзенні ў законы азначаюць толькі тое, што будзе ўзмоцнены ціск на апанентаў улады, - перакананы лідэр Аб'яднанай грамадзянскай партыі Анатоль Лябедзька. - Я не выключаю таго, што гэты закон будзе выкарыстаны для таго, каб зняць нязручных кандыдатаў у дэпутаты на выбарах, якія мусяць адбыцца ў Палату прадстаўнікоў гэтай восенню, альбо на прэзідэнцкіх выбарах 2011 года".
Старшыня Партыі камуністаў Сяргей Калякін лічыць, што прынятыя папраўкі "накіраваныя не на барацьбу з экстрэмізмам, а на тое, каб звузіць поле дзейнасці легальных палітычных партый". Ён не выключае. што цяпер любая крытыка ўлады можа цягнуць за сабой адказнасць.
