У Беларусі плануецца развіваць маршруты водных падарожжаў
У Беларусі плануецца развіваць маршруты водных падарожжаў, паведаміў намеснік міністра спорту і турызму Чэслаў Шульга 24 верасня на прэс-канферэнцыі ў Мінску.
Як паведаміў Шульга, да наступнага сезона пачне перавозіць турыстаў цеплаход, своеасаблівы "гатэль на вадзе", па маршруце ад Турава да Мазыра. Яшчэ адзін цеплаход закуплены Бабруйскім гарвыканкамам. Спачатку ён будзе перавозіць турыстаў у межах Бабруйска, затым яго маршрут працягнецца да Барысава. Падобныя водныя падарожжы плануецца арганізаваць у Гомелі і Магілёве. Акрамя таго, мяркуецца папоўніць парк воднага транспарту на Аўгустоўскім канале, які сёння мае адзін цеплаход, паведамляе БелаПАН.
Шульга таксама расказаў аб праекце пераробкі баржаў пад зоны адпачынку на рэках і азёрах Віцебскай вобласці, які прапанавалі інвестары з Эстоніі. Гэта магуць быць жылыя дамы на вадзе, рэстаран і забаўляльны цэнтр тыпу казіно.
Як паведаміў Шульга, да наступнага сезона пачне перавозіць турыстаў цеплаход, своеасаблівы "гатэль на вадзе", па маршруце ад Турава да Мазыра. Яшчэ адзін цеплаход закуплены Бабруйскім гарвыканкамам. Спачатку ён будзе перавозіць турыстаў у межах Бабруйска, затым яго маршрут працягнецца да Барысава. Падобныя водныя падарожжы плануецца арганізаваць у Гомелі і Магілёве. Акрамя таго, мяркуецца папоўніць парк воднага транспарту на Аўгустоўскім канале, які сёння мае адзін цеплаход, паведамляе БелаПАН.
Шульга таксама расказаў аб праекце пераробкі баржаў пад зоны адпачынку на рэках і азёрах Віцебскай вобласці, які прапанавалі інвестары з Эстоніі. Гэта магуць быць жылыя дамы на вадзе, рэстаран і забаўляльны цэнтр тыпу казіно.
