У Беларусі распрацавалі электронную базу салдатаў і партызанаў
У базе можна шукаць сваіх сваякоў, якія зніклі ці загінулі пад час Другой сусветнай вайны.
У БДУ распрацавалі электронную базу пра салдатаў і партызанаў, якія загінулі ці зніклі пад час Другой сусветнай вайны. Інфармацыю для базы ўзялі з кніг “Памяць. Гісторыка-дакументальныя хронікі беларускіх раёнаў”, паведамляе БелТА.
У базе можна шукаць інфармацыю па катэгорыях "прозвішча", "імя", "імя па бацьку", "вобласць", "раён", "горад / вёска нараджэння", "месца смерці".
Пакуль у базу ўнеслі інфармацыю па Мінску і Мінскай вобласці, агулам больш за 10 тысяч чалавек. У бліжэйшы час туды пачнуць уносіць інфармацыю па іншых абласцях Беларусі. Таксама ў базу плануюць унесці інфармацыю пра мірных грамадзян, якія сталі ахвярамі вайны, і салдат, якія вярнуліся з фронта.
